Un espetacle gauchous à l’entour de l’Escola de Nissa, en ligam embé lou MAMAC

Dissata lou 16 de setembre, Lou pichin teatre de Barba Martin a dounat, au teatre municipau Francis Gag, la segounda representacioun de la siéu darrièra creacioun : “La Virgouleta que fa bouqueta, O sia l’istoria estrambalada de doui falabrac au paìs de Vilafranca” ; dich d’un autre biai, e en una lenga mai naciounala ma bessai mens flourida : La Cédille qui sourit, ou l’histoire rocambolesque de deux branquignoles au pays de Villefranche (sur mer).

Naissut d’una sourtida pedagougica, lou raconte dòu rescontre dei coumediant embé l’artista plastician Ben, en lou siéu “”Da Malabar e Cunegounda”.

L’argumen de l’espetacle es l’istoria – proun vera – d’un parèu de creatour dei anada 60. Robert Filliou et lou siéu amic New-Yourkés George Brecht avion dubert à Vilafranca una boutiga-galerìa per lou mens noun-counfourmista : “La Cédille qui sourit”, La Virgouleta en nissart. Embé l’ajuda amistouha e l’ego altruista de Ben, lu escoulan an fach tant d’acapì e d’esplegà l’Art countempouran…

Lou famous Proufessour Fluxus respouònde ai demanda de la ren mens famousa journalista de Nissa Cultura

Aquel espetacle pedagougic es estat interpretat dau Pichin Teatre de Barba Martin dòu Coulegi Pouòrt Lìmpia. La chourma acampa lu escoulan oucitanista de 3sa, bailejat da Dona Crigny, magistra d’istòria-geougrafìa e Mestre Pallanca, magistre d’oucitan.

Robert Filliou e George Brecht davant de la “Virgouleta que fa bouqueta”” , si fan coumpagna embé lu vesin e la famousa Madama Jourdan. Una dei particoularità de la boutiga-galerìa : èra sempre…

Lu artista à l’oste…

La chourma coumpleta.