Dissata lou 16 de setembre, Lou pichin teatre de Barba Martin a dounat, au teatre municipau Francis Gag, la segounda representacioun de la siéu darrièra creacioun : “La Virgouleta que fa bouqueta, O sia l’istoria estrambalada de doui falabrac au paìs de Vilafranca” ; dich d’un autre biai, e en una lenga mai naciounala ma bessai mens flourida : La Cédille qui sourit, ou l’histoire rocambolesque de deux branquignoles au pays de Villefranche (sur mer).
L’argumen de l’espetacle es l’istoria – proun vera – d’un parèu de creatour dei anada 60. Robert Filliou et lou siéu amic New-Yourkés George Brecht avion dubert à Vilafranca una boutiga-galerìa per lou mens noun-counfourmista : “La Cédille qui sourit”, La Virgouleta en nissart. Embé l’ajuda amistouha e l’ego altruista de Ben, lu escoulan an fach tant d’acapì e d’esplegà l’Art countempouran…
Aquel espetacle pedagougic es estat interpretat dau Pichin Teatre de Barba Martin dòu Coulegi Pouòrt Lìmpia. La chourma acampa lu escoulan oucitanista de 3sa, bailejat da Dona Crigny, magistra d’istòria-geougrafìa e Mestre Pallanca, magistre d’oucitan.